Tekið frá Mbl.is

"Utanríkisráðherra kanni kosti þess að beita Ísrael viðskiptaþvingunum

Ungir jafnaðarmenn, ungliðahreyfing Samfylkingarinnar, hafa sent Halldóri Ásgrímssyni utanríkisráðherra opið bréf, þar sem þess er farið á leit að hann kanni kosti þess að Ísland beiti Ísrael viðskiptaþvingunum vegna byggingar aðskilnaðarmúrs í Palestínu. „Við teljum rétt að tekið sé til athugunar hver pólitísk áhrif þess væru ef Íslendingar segðu upp aðild sinni að fríverslunarsamningi EFTA við Ísrael. Við teljum að ákvæði í samningnum veiti okkur rétt til slíkrar einhliða uppsagnar,“ segir meðal annars í bréfinu.

Þar segir einnig að íslenskum almenningi ofbjóði það stríð sem geisar í Palestínu og þau ódæðisverk sem þar eru unnin. Öllum unnendum frelsis og friðar sé ljóst að það væri stórt skref aftur á bak fyrir alla heimsbyggðina ef Ísraelar fá óáreittir að reisa aðskilnaðarmúr. „Það væri mikið áfall nú rúmum fimmtán árum eftir að Berlínarmúrinn féll,“ segja ungir jafnaðarmenn.

Ungir jafnaðarmenn telja að Dorrit Moussaief, forsetafrú, hafi sýnt mikilvægt fordæmi fyrir skemmstu þegar hún lýsti skoðunum sínum á stjórnarháttum í Ísrael. „Hún sýndi og sannaði að „vinur er sá sem til vamms segir." Við megum ekki endalaust skáka í skjóli bandalags við Bandaríkin eða annarra slíkra hagsmuna. Við verðum að þora að vinna hugsjónum okkar brautargengi á borði sem í orði.“

Þá segja ungir jafnaðarmenn í bréfinu að í ljósi yfirlýsinga utanríkisráðherra um að Ísland eigi að taka aukna ábyrgð á alþjóðavettvangi telji þeir að hann hljóti að taka tillöguna til athugunar í ráðuneyti sínu og í utanríkismálanefnd Alþingis. Íslendingar geti vel tekið af skarið í þessu máli. Um hverfandi viðskiptahagsmuni sé að ræða en uppsögnin gæti hins vegar sent sterk pólitísk skilaboð um allan heim. Metnaður Íslands hljóti að vera að stuðla að betri heimi en ekki aðeins að sækjast eftir vegtyllum, svo sem á vettvangi Sameinuðu þjóðanna. Ísraelar hafi ítrekað hundsað ályktanir öryggisráðsins og allsherjarþingsins og augljóst að meira þurfi til."

Hvað í andskotanum eru þeir að hugsa? Hvaða áhrif á þetta eftir að hafa? Engin!!!!!!!!! Hvað eru Íslendingar að selja Ísrael Súrsaða Hrútspunga?