Tekdi fra Visir.is
"Vill 500-1000 manna íslenskar varnarsveitir
Björn Bjarnason dómsmálaráðherra hefur endurvakið hugmynd, sem hann hreyfði fyrst af alvöru 1995, um íslenskar varnarsveitir. Í viðtali við AP fréttastofuna í dag gerir hann í fyrsta sinn nánari grein hugmyndinni og nefnir að varnarsveitin ætti að vera skipuð 500 til 1000 mönnum. Hún mundi síðan sjá um að þjálfa varalið sem í þyrfti að vera um 21 þúsund manns.

Ástæðan fyrir því að hugmyndin er endurvakin eru áform Bandaríkjamanna um að flytja herþotur varnarliðsins úr landi, en það gæti leitt til þess að bandaríska varnarliðið færi frá Íslandi.

"Án bandarísks herliðs og án varnarskuldbindinganna í varnarsáttmálanum frá 1951 væri þetta land varnarlaust gegn hverskonar glæpaflokkum, málaliðum eða herflokkum sem kysu að ráðast á eða hernema Ísland," segir Björn í viðtalinu við AP.

Björn segir ennfremur að íslensk stjórnvöld, stjórnmálamenn og almenningur hafi alltaf talið að vinaþjóðir á borð við Bandaríkin muni tryggja öryggi landsins til frambúðar.

En svo sé ekki: "Þessu getum við ekki og megum ekki gera ráð fyrir," segir hann. "Myndun varnarsveitar ... myndi vera ákveðið skref fyrir Íslendinga í átt að þeirri hugsun að varnir landsins séu nauðsynlegar til að tryggja sjálfstæðið."


Jesus Kristur, Hinn Heilagi Budda og allir gudir i Hinduisma. HVAD ER AD THESSUM MANNI?!?!?!?!?!!?!?!?!?!?!?!?! Hver mundi radast a Island?
"